Purtret
Martin Bühler Führungsstab Graubünden, Familie, Freizeit, Militär
Il Grischun ed il mund vast han furmà mai. Mes onns da giuventetgna ad Aschera ed a Lambarene (Gabun), experientschas professiunalas en il Grischun, en il chantun Turitg, en il Proxim Orient, en il Cosovo ed en Africa – in caleidoscop giagl. Enfin oz sun jau engraziaivel per las fermas ragischs en il chantun da las 150 valladas.
Politica
Politica munta per mai da tadlar differentas opiniuns e puncts da vista, da discutar, dad examinar ils fatgs e da cumbatter la fin finala per la meglra soluziun. Cun buns arguments ma lasch jau gugent persvader. A la fin quintan dentant ils fatgs e betg ils pleds. Nossa democrazia ans porscha la pussaivladad da furmar in Grischun da damaun da cuminanza e da gronda diversitad.
Carriera professiunala
Saja sco scolaret da scolina a Gabun, scolar u lavurer auxiliar da construcziun en il Partenz, sco student e magister primar a Turitg, observatur militar e manader da project en il Proxim Orient, sin il Balcan ed en Africa, en posiziuns da manar en il militar, a la Scola auta da pedagogia dal Grischun, sco directur d'uffizi e schef dal stab directiv chantunal ed ussa sco cusseglier guvernativ - tar tut mias activitads ma fascinescha adina puspè da nov da dastgar collavurar cun umans en differentas situaziuns da vita e da differentas culturas.
Famiglia
La famiglia è per mai il sustegn il pli impurtant che duai porscher a tuts las meglras cundiziuns per sa sviluppar e sa manifestar. Mes geniturs èn exempels per quai: Mia mamma Agathe Bühler è stada presidenta dal Cussegl grond e mes bab medi en il Spital dad Albert Schweitzer a Lambaréné ed en il spital dad Aschera. Els m'han mussà las valurs impurtantas da la toleranza e dal tracament cun respect vicendaivel. Valurs che jau cundivid oz cun mia dunna e mes uffants.
Manager da crisa
Situaziuns da crisa pretendan ina direcziun percepibla, in agir activ e coordinà ed in aut grad da flexibilitad. Sco schef dal stab directiv chantunal hai jau dastgà tschertgar – era en la pandemia da Corona - novas opziuns e novas soluziuns da cuminanza cun umans ils pli differents. L’experientscha ma ha mussà ch’i vala la paina dad ir cun curaschi novas vias.
Temp liber
Temp liber è ina chaussa rara da gronda valur. Entant che jau hai tschertgà en mes temp da giuventetgna mintga minuta libra las sfidas excitantas, preferesch jau ussa plitost ina tura da muntogna en il Grischun u il star da cumpagnia. Era in intermezzo musical giaud jau fitg, ed a mia gìa jau hai empermess gia daditg dapli attenziun.
Militar
Il militar n’è per mai nagin scopo mo per sasez, mabain in element impurtant per la protecziun da la societad civila e da nossas valurs democraticas. Mes onns e mais a l’exteriur en servetsch per la promoziun da la pasch han mussà a mai la valur da l’armada svizra moderna. In stil da diriger participativ che sa basa sin confidenza è en quest sectur per mai il fundament per cuntanscher da cuminanza las finamiras definidas.